Тілдер онкүндігі – тағылымы мол, тәрбиелік мәні зор шара
Мектебімізде тіл мәртебесін көтеріп, оқушылардың тіл үйренуге деген қызығушылығын арттыру, шығармашылық қабілеттерін дамыту мақсатында Тілдер онкүндігі мазмұнды әрі әсерлі деңгейде ұйымдастырылды.
Онкүндік барысында оқушылардың білімін тереңдетуге, ой-өрісін кеңейтуге және шығармашылық белсенділігін арттыруға бағытталған түрлі іс-шаралар өткізілді. Әрбір шара оқушылардың тілге деген құрметін қалыптастырып, өз ойын еркін жеткізуіне мүмкіндік берді.Осындай ауқымды жұмыстардың өтуіне өз үлесін қосқан ұстаздардың бірі – орыс тілі мен әдебиеті пәнінің мұғалімі Шералиева А. Ұстаз онкүндік аясында ұйымдастырылған барлық іс-шараларға белсене қатысып, әр жұмыстың мазмұнды әрі нәтижелі өтуіне атсалысты.
Шералиева А. оқушылармен шығармашылық бағытта жұмыс жүргізіп, олардың ойлау қабілеті мен жазу сауаттылығын жетілдіруге ерекше көңіл бөлді. Атап айтқанда, оқушылар арасында эссе жазу жұмысын ұйымдастырып, олардың өз ойын жүйелі түрде жеткізуіне, белгілі бір тақырып төңірегінде өзіндік пікір қалыптастыруына жағдай жасады. Оқушылардың шығармашылық жұмыстарын қолдап, әрқайсысының ойын бағалай білуі ұстаздың кәсіби шеберлігін танытты.Ұстаздың белсенділігі тек бір бағытпен шектелмей, онкүндік аясында өткізілген барлық іс-шараларға ортақ іске жауапкершілікпен қарауымен ерекшеленді. Әріптестерімен тығыз байланыста жұмыс істеп, ұйымдастыру жұмыстарына белсене араласуы – оның ұжымдық іске деген жанашырлығын көрсетті.
Шералиева А. – өз ісіне берілген, ізденімпаз, шығармашылықпен жұмыс істейтін ұстаз. Ол үшін әрбір іс-шара – жай ғана жоспардағы міндет емес, оқушыға ой салатын, білімін толықтыратын, тұлғалық дамуына ықпал ететін мүмкіндік.
Тіл – халықтың рухани қазынасы. Ал сол қазынаны жас ұрпақтың бойына сіңіру – ұстаздың абыройлы міндеті. Тілдер онкүндігі аясында атқарылған жұмыстар осы мақсаттың үдесінен шығып, мектеп өміріне ерекше серпін берді.Осындай игі шаралардың бел ортасында жүріп, білім мен тәрбиеге өз үлесін қосып жүрген Шералиева А.-ның еңбегі – ұжымдық жұмыстың жарқын үлгісі. Ұстаздың ізденісі мен белсенділігі оқушыларға жігер беріп, тілге деген қызығушылығын арттыруға ықпал етті.
Тілге деген құрмет – ең алдымен, оны үйрететін ұстазға деген құрметтен басталады. Сондықтан осындай еңбегі елеулі, ұстанымы берік, шәкірт жүрегіне жол таба білетін ұстаздардың шығармашылық ізденісі қашанда лайықты бағасын табады.
Айгуль ШЕРАЛИЕВА,
«М.Шоқай атындағы №26 жалпы білім беретін мектеп» КММ орыс тілі пәнінің мұғалімі.